Përkujtohet 21 janari në Tiranë

Sot nuk ka asnjë të dënuar për këtë vrasje, ndonëse dhimbja e familjarëve të viktimave është ende po aq e pranishme sa edhe atë ditë.

 

I vetmi aktivitet i zhvilluar në Tiranë ka të bëjë me homazhet e organizuara nga kryeministri, Edi Rama, pikërisht në vendin ku u vranë 4 personat. 

 

Kryeministri, Edi Rama, nuk ka preferuar të flasë, por zemra e familjarëve të viktimave nuk mund të heshtë.

 

Ata tregojnë dhimbjen e tyre, e cila shtohet më shumë për faktin se ende nuk është vënë drejtësi, megjithatë ata nuk e humbin shpresën se një ditë kjo do të ndodhë.

 

Tragjedia ndodhi më 21 janar të vitit 2011, ku pas një proteste të dhunshme kundër Qeverisë Berisha, Garda e Republikës mori urdhër që të qëllojë në drejtim të protestuesve, duke lënë 4 persona të vdekur në vend.