Bora dhe akulli, atraksion në Letchworth të SHBA-ve

Në Letchworth temperatura e ngrirjes ka lënë pas një tumë të mrekullueshme të akullit.

Në State Park të Letchworthit njerëzit janë të mahnitur me këtë burim akulli, i cili është rreth 50 metra i gjatë dhe rreth 60 metra i gjerë. Zyrtarë këtu në park thonë se ajo mund të jetë tuma më e madhe që ka ekzistuar ndonjëherë. Burimi i akullt nuk duket gjithmonë kështu madhështor. Në vitet e kaluara dukej i shëmtuar, por tani, sipas menaxherëve të parkut, kulla e akullit mund të rritet.

“Ka qenë një vit i jashtëzakonshëm dhe kjo është me të vërtetë një dëshmi se sa dimër i ftoftë ka qenë. Ne me të vërtetë gjatë kohë s’kemi pasur një ngricë të madhe sikurse kjo. Nëse kemi pasur, ajo nuk ka zgjatur më shumë se një ditë”- tha një qytetar i  Letchworth, Ken Wallace.

Kjo  formë e  akullt tërheq vizitorë edhe nga pjesa perëndimore e  Nju Jorkut.

“Burimin e akullt e gjeta në “Facebook”. Ne tentuam dhe shpresuam për ta gjetur dhe më në fund e arritëm qëllimin”- tha turisti, Joyce Sheehan.

“Ne s’kemi qenë këtu gjatë viteve të fundit dhe vendosa të vij me fëmijët e mi, po ashtu të shfrytëzojmë rastin për të bërë edhe foto rreth burimit të akullt”- tha turistja, Amanda Bramble.

Burimi është në të vërtetë mjaft i vjetër. Kjo ishte një dhuratë për Willam Letchworth në vitin 1860. Prej atëherë burimi i akullt mbante drejtimin dhe për sa kohë ajo mban drejtimin, parku i Shtetit Letchworth gjithmonë do të ketë një tërheqje shumë të madhe të turistëve dhe pamje spektakulare të dimrit. Sikurse uji që del jashtë nga maja e burimit të akullt, njëkohësisht ajo vazhdon të bëjë shtresa të reja dhe burimi rritet më shumë.

Kah fundi i javës priten reshje të reja të dëborës në Letchworth dhe burimi do vazhdojë të rritet. (Sevdije Kastrati, TVM2)