Bruksel, Murtezani takon Varhejin, ndryshimet kushtetuese dhe reformat, tema kyçe

 

“Ajo që është me rëndësi është se Bashkimi Evropian fuqishëm e mbështet integrimin e Maqedonisë në Bashkimin Evropian dhe qëndrojnë pranë nesh në zgjidhjen e kontesteve ose çështjeve të hapura. Në këtë e informova komisarin Varhej për gatishmërinë e Maqedonisë së Veriut për të filluar një dialog me fqinjin tonë, Bullgarinë, dialog i cili mendojmë se është i domosdoshëm dhe i cili duhet të rezultojë me një zgjidhje e cila është e pranueshme dhe zgjidhje e cila do t’i mbrojë interesat e të dy shteteve.”, - deklaroi ministri për Eurointegrime, Orhan Murtezani.

 

Bashkimi Evropian do të vazhdojë ta ndihmojë vendin edhe në avancimin e shtetit dhe implementimin e reformave. Eurokomisari Varheji ka sqaruar se ndihma fokusohet në transformimin e Maqedonisë së Veriut, në sundimin e së drejtës, reformat në administratën publike dhe lufta kundër korrupsionit.

 

“Gjithashtu morëm edhe një mbështetje inkurajuese për dinamikën e lartë me të cilën Qeveria e re e përpunoi dhe miratoi agjendën reformuese, agjendë e cila duhet t’i përgatitë institucionet e shtetit për reformat e nevojshme, duke stimuluar me një sërë mjetesh të caktuara, pra, për rritjen e kondicionit ekonomik të shtetit.”, - theksoi ministri për Eurointegrime,  Orhan Murtezani.

 

Në takim janë shkëmbyer mendime dhe informacione edhe për Planin për Rritje të BE-së për BP-në, si mekanizëm kryesor për rritjen e investimeve dhe përforcimin e rezistencës ekonomike të vendeve të rajonit.