1 vit burg për drejtuesin e “Shvercerave”

Bunjakut dhe personit me iniciale B. I., që të dy të akuzuar për veprën “dhunë”, lidhur me ngjarjen që ndodhi para disa ditësh në kafenenë “Nju Orlans” në Çarshinë e Vjetër.

Siç theksohet në kumtesën e Gjykatës, në seancën kryesore publike dhe gojore, nga ana e gjykatësit të akuzuarit, B. I. i është shqiptuar masa e dënimit me kusht alternative, me çka i vërtetohet dënimi me burg në afat prej dy vitesh, ndërsa i njëjti do të lirohet nga dënimi nëse në afat prej 5 vitesh pas hyrjes në fuqi të aktvendimit i akuzuari nuk bën ndonjë vepër tjetër penale.

Të akuzuarit, Omer Bunjaku, i është shqiptuar dënimi me burg në afat prej 1 viti për veprën “dhunë” , për  shkak se i akuzuari paraprakisht është gjykuar për të njëjtin lloj të veprës penale.

Për dy të akuzuarit, Gjykata ka marrë parasysh kryerjen e deritanishme të këtij lloji të veprës penale, si dhe shfaqjen e kësaj dukurie të shpeshtë, e cila ka kontribuar në cenimin e paqes dhe rendit publik dhe të sigurisë së qytetarëve të vendit, që ka shkaktuar frikë mes qytetarëve.

Me vetë faktin që kundër të akuzuarit, Omer Bunjaku, tanimë ka qenë e caktuar masa e paraburgimit, Gjykata ka shqiptuar dënimin me burg në këtë stad të procedurës gjyqësore, theksohet se Gjykata ka vendosur ta vazhdojë masën e paraburgimit deri në hyrjen në fuqi të aktvendimit, respektivisht më së voni deri në 60 ditë, thuhet në kumtesën e Gjykatës Penale.

ADNAN HAJDARI