Dibranët mbrojnë Radikën duke dhuruar gjak

 

Këtë aksionin e përkrahën shumë qytetarë human, prej moshave dhe gjinive të ndryshme.

 

Të gjithë janë të brengosur për fatin e rajonit, prej rrezikut të devijimit të ujërave të lumit Radika dhe si gjithmonë, në mënyra të ndryshme humane shprehin dashurinë e tyre për njerëzimin dhe natyrën. 

 

“Shpresojmë që gjaku i dhuruar të shkojë te personat që kanë nevojë, duke shpëtuar jetën e tyre, e njëkohësisht mesazhi ynë të shkojë te ata që sjellin vendime”- u tha në këtë aksion.

 

Kërkesa e dhuruesve të gjakut ishte që të ndërpriten të gjitha aktivitetet dhe sa më shpejt të sillet vendim për ndërprerjen e projektit për ndërtimin e pendës në fushë të Lukovës dhe “Urën e Boshkut”.