Mogerini: moszgjidhja e emrit mund të shkaktojë destabilizim

Siç njofton korrespodenti i MIA-s nga Brukseli, Mogerini, para Komitetit për Punë të Jashtme të Europarlamentit tha se është e nevojshme të investohet më shumë që të tejkalohet kontesti shumëvjeçar.

 

“Duhet mund më i madh jo vetëm në kontaktet me Maqedoninë, por edhe me shtetet tjera. Duhet të përpiqemi të zgjidhim atë çështje dhe punët të nisim përpara, sepse edhe gjendja e brendshme në shtet mund të shkojë në drejtim të padëshiruar nëse çështja e emrit nuk zgjidhet”- theksoi Mogerini, e cila pas  Kethrin Eshton, zyrtarisht pritet të emërtohet shefe e politikës së jashtme evropiane pas formimit të përbërjes së plotë të komisarëve.

 

Gjatë fjalimit të saj, Mogerini në Parlamentin Evropian vazhdimisht e quante vendin tonë me akronimin ”FYROM”.

 

Edhe pse theksoi se zgjerimi është në agjendën e kryesimit italian me BE-në, që do të zgjasë deri në fund të vitit, Mogerini theksoi se pritet zgjidhja e kontestit me qëllim të hapjes së rrugës euroatlantike për vendin.