Agjencia për Punësim synon standardet evropiane

Qëllimi i projektit është që të përmirësohet cilësia, efikasiteti dhe efektet nga shërbimet dhe përforcimi i kapaciteteve të Agjencisë për Punësim në Maqedonisë, në drejtim të uljes së shkallës së papunësisë, theksuan ministri i Punës dhe Politikës Sociale, Dime Spasov, ambasadorja gjermane, Kristine Altauzer, udhëheqësi i Repartit për Bashkëpunim i Delegacionit të BE-së, Martin Klauke dhe drejtori i Agjencisë për Punësim, Vllatko Popovski.

 

“Në kuadër të aktiviteteve të këtij projekti, bartës të të cilit janë konzorciumet nga Gjermania dhe Lituania, janë paraparë trajnime për të punësuarit në Agjencinë e Punësimit dhe Partnerit Social, shkëmbim të praktikave dhe përvojave të BE-së, në drejtim të përmirësimit të masave të përhershme dhe masa të reja për punësim. Në kuadër të projektit do të bëhet analizë për masat e deritanishme aktive për punësim dhe efikasitetin e tyre. Para nesh është edhe sfida e përforcimit të kapaciteteve të Agjencisë së Punësimit”- deklaroi ministri i Punës dhe Politikës Sociale, Dime Spasov.

 

“Shpresojmë se Agjencia për Punësim pas një kohe të gjatë do të arrijë standardet e Agjencive të BE-së në pjesën e planifikimit të masave aktive, realizimin e masave aktive dhe ndjekjen e të njëjtave dhe dhënien e rezultateve nga këto masa”- theksoi drejtori i Agjencisë për Punësim, Vllatko Popovski.

 

Projekti financohet nga Bashkimi Evropian në kuadër të Programit Operativ për Zhvillim të Resurseve Njerëzore dhe do të zgjasë deri në qershor të vitit 2016.