Ahmeti është zgjedhur rektor i ri i UT-së

 

Zgjedhja e tij vjen pas procesit zgjedhor universitar, ku ai prezantoi një platformë të fokusuar në modernizimin e arsimit të lartë, transformimin digjital, avancimin e kërkimit shkencor dhe zgjerimin e bashkëpunimit ndërkombëtar.

 

Kryetari i Komisionit Zgjedhor të UT-së, Metin Izeti, tha se procesi zgjedhor ka kaluar në mënyrë të rregullt dhe se, sipas rezultateve përfundimtare, Kushtrim Ahmeti është zgjedhur rektor i ri i Universitetit të Tetovës.

 

Në fund të procesit zgjedhor, kandidatët për rektor të UT-së shtrënguan duart dhe i uruan sukses rektorit të ri, Kushtrim Ahmetit, duke përcjellë mesazhin se Universiteti i Tetovës është institucion i përbashkët dhe se të gjithë duhet të vazhdojnë të japin kontributin e tyre akademik për zhvillimin dhe avancimin e universitetit.