Matura shtetërore, mbi 14 500 maturantë iu nënshtruan

Në hapësiart universitare dhe në shkollat ku kishte kushte mbi 14 500 maturantë iu nënshtruan provimit të parë të maturës shtetërore. Pjesa më e madhe kishin vendosur të japin gjuhën angleze, si lëndë zgjedhore. Për plotësimin e testit kishin tre orë, por shum nxënës përfunduan edhe më herët. 

“I’u nënshtrova testit në gjuhën angleze. Ishte e lehtë.”

“Mir ishte, nuk ishte keq. Mirë kaluam, dola ndër të parat.” – thanë disa nga maturantët e intervistuar nga TVM2.

Këtë vit nxënësit e shkollave të mesme për herë të parë po japin tre lloje të maturave: shtetërore, profesionale dhe artstike. Ata provimin e sotëm e dhanë pa pauzë dhe telefon celular afër vetes.

Nga Qendra Shtetrore e Provimeve  thanë se testimi në amfiteatret e fakulteteve e ul mundësinë për të përshkruar.

“Ka një grup më të madh të testuesve, të cilët janë të caktuar nga një për çdo 15 nxënës. Vendosja e telefonëve në vendet e caktuara jep rezultate. Kështuqë ne po bëjmë gjithçka që testimi të jetë ashtu siç duhet.” – tha Drejtoresha e Qendrës Shtetrore të Provimeve, Daniella Jovçeska Mihajllovska.

“Shpresoj që një pjesë e tyre do të vazhdojnë arsimimin në fakultetet përkatëse, ndërkaq pjesa tjetër do të hyjnë në tregun e punës. Interesante është se mbi 12 mijë nxënës po japin maturën shtetërore, diçka më shum se 2 mijë po japin maturën profesionale.” – u shpreh Ministreja e Arsimit, Vesna Janevska.

Rezultatet e maturës shtetrore do të dihen më së voni një muaj nga testimi. Nxënësit lëndën e dytë të maturës shtetërore, që është obligative, do ta japin më 11 dhe 12 qershor. Atëherë nxënësit do të testojnë dijen e gjuhës amë. (Meral Ismaili, TVM2)