Regjistrimet në shkollat e mesme, filloi afati i parë për regjistrim

Sot filloi afati i parë e regjistrimit për nxënësit e vitit të parë të arsimit të mesëm për vitin akademik 2026/2027.

Nxënësit e shkollave  fillore të cilat kanë përfunduar shkollimin nëntëvjeçar, do të aplikojnë në mënyrë elektronike përmes portalit Uslugi.gov.mk me një hyrje të veçantë për nxënësit nga llogaritë e tyre të përdoruesit në schools.mk, dhe më pas do të dorëzojnë dokumentacionin e nevojshëm në shkollat ku do të aplikojnë.

Në qershor do të ketë dy aplikime elektronike për nxënësit. Sipas konkursit të MASh-it, i pari fillon  nga mesnata e 12 qershorit deri në mesnatën e 15 qershorit, dhe aplikimi i dytë është më 23 qershor. Në periudhën e regjistrimeve gjatë muajit gusht, do të ketë një aplikim, edhe atë vetëm më 20 gusht.

Konkursi parashikon mbi 25.000 vende të lira në të gjitha 109 shkollat e mesme publike në vend. Nga këto, më shumë se 17.000 janë në arsimin profesional, pothuajse 6.000 në shkollën e mesme dhe 570 vende të lira në arsimin artistik.