Regjistrimi në shkollat e mesme, MASh: Afati i dytë më 23 qershor

 

Ministria e Arsimit dhe Shkencës njoftoi se aplikimi i dytë në afatin e qershorit do të kryhet në formë elektronike të martën, më 23 qershor.

 

Pas përfundimit të aplikimit elektronik, kandidatët do të duhet të dorëzojnë dokumentacionin e nevojshëm në shkolla më 24 qershor.

 

Listat e renditjes me rezultatet e regjistrimit do të publikohen më 25 qershor deri në orën 12:00, në shkolla dhe në faqet e tyre të internetit. Nëse ka kandidatë me të njëjtin numër pikësh në shkolla të caktuara, testimi kualifikues do të mbahet më 29 qershor, kur do të publikohen listat përfundimtare të renditjes. Gjithsej ka 11 mijë e 882 vende të lira për aplikimin e dytë. Nga këto, 7 mijë e 404 janë për mësimdhënie në gjuhën maqedonase, 4 mijë e dy  për mësimdhënie në gjuhën shqipe, 456 për gjuhën turke dhe 20 për gjuhën serbe. Në regjistrimin e parë, sipas Ministrisë së Arsimit, aplikuan në formë elektronike 15 mijë e 75 nxënës, ndërsa u regjistruan 13 mijë e 397 nxënës.