Daniela Dimovska u zgjodh kryetare e Gjykatës Penale

Me 11 vota "pro", Këshilli Gjyqësor zgjodhi Daniela Dimovskën si kryetaren e re të Gjykatës Themelore Penale - Shkup. Ajo gjithashtu mori katër vota "pro" në votimin sipas parimit të Badinterit.

Vendimi u njoftua nga kryetari i Këshillit Gjyqësor, Aleksandar Kambovski. Gjatë seancës, disa anëtarë të Këshillit Gjyqësor shpjeguan mbështetjen e tyre për Dimovskën, duke theksuar se programi i saj i punës ofron një vizion për zhvillim dhe menaxhim më të mirë të gjykatës.