Kryesia irlandeze e BE-së prezanton prioritetet në Kuvend

 

Ambasadori i Irlandës, Brendan Ward, do t’i prezantojë prioritetet e Kryesisë irlandeze të Bashkimit Evropian në seancën e përbashkët të Komisionit për Çështje Evropiane dhe Këshillit Nacional për Eurointegrime.

 

Programi i Irlandës si kryesuese e BE-së bazohet në tre prioritete kryesore: konkurrueshmërinë, vlerat dhe sigurinë. Një vend të rëndësishëm zë edhe procesi i zgjerimit, por me vendet kandidate që kanë përparuar më së shumti në negociata, si Mali i Zi dhe Shqipëria.

 

Maqedonia e Veriut nuk përmendet si prioritet apo si vend për përparim të menjëhershëm, çka do të thotë se nuk është në qendër të agjendës, por mbetet pjesë e përgjithshme e procesit të zgjerimit, pa theks të veçantë në këtë fazë.