Valë e re të nxehtit, hyn në fuqi gjendja e krizës

 

“Qendra për Menaxhim me Kriza do të koordinojë aktivitetet e institucioneve, ndërsa ekipet në terren do të kenë mundësi për angazhim të përforcuar të kapaciteteve shtetërore, përfshirë edhe mbështetje nga institucionet e sigurisë nëse paraqitet nevoja”, - thuhet në vendimin e Qeverisë.

 

Në ditën e parë të gushtit, deri në orën 13:00, u regjistruan gjithsej shtatë zjarre në zona të hapura, katër prej të cilave janë aktive, asnjë zjarr nuk është jashtë kontrolli dhe tre zjarre janë shuar. 

 

Zjarri në deponinë e Strugës, i cili është përhapur edhe në vegjetacionin përreth, paraqet vështirësi serioze për shuarje. Zjarri ka dalë sërish jashtë kontrollit dhe për përballimin e situatës janë angazhuar edhe dy traktorë nga Drejtoria për Mbrojtje dhe Shpëtim. 

 

“Bëhet fjalë për një zjarr serioz, shumë i vështirë për t’u shuar. Është zjarri në deponinë e Strugës, i cili është përhapur edhe në vegjetacionin përreth. I njëjti ishte aktiv dje gjatë orëve të pasdites, ndërsa në mbrëmje ishte vendosur nën kontroll të pjesshëm. Por, fatkeqësisht, sot gjatë ditës zjarri përsëri u ka dalë nga kontrolli zjarrfikësve. Kundër tij do të dërgojmë dy traktorë “Ergo” nga Drejtoria për Mbrojtje dhe Shpëtim”, deklaroi drejtori i DMSH-së, Stojanco Angelov.

 

Autoritetet apelojnë qytetarët për kujdes maksimal, veçanërisht në zonat pyjore dhe gjatë aktiviteteve në natyrë, pasi temperaturat e larta, thatësira dhe era mund të përshpejtojnë përhapjen e zjarrit. Nga Qendra për Menaxhim me Kriza bëjnë thirrje që çdo rast zjarri të raportohet menjëherë në numrat emergjentë, në mënyrë që ekipet të mund të reagojnë sa më shpejt.