Rasti i vjedhjes në NPK Saraj, BDI kërkon hetim dhe transparencë të plotë

 

 

“Qytetarët presin përgjegjësi, transparencë dhe sqarim dhe jo heshtje. Prandaj publikisht kërkojmë përgjigje të qartë për këto pyetje: A kanë qenë funksionale kamerat e sigurisë dhe sistemi i kontrollit të hyrjeve dhe daljeve në objekt në momentin kur pretendohet se ka ndodhur ngjarrja, pse nuk kanë qenë në krye të detyrës rrojët e sigurimit dhe kush mbanë përgjegjësi për këtë lëshim, Sa është shumë e mjeteve financiare që pretendohet se është marrë, dhe në çfarë baza juridike atom jete janë mbajtur në zyret e drejtorit, A është e vërtetë se NPK Saraj janë mbajtur mjete mbi kufirin maksimal të lejuar të arkës”, deklaroi zëdhënësi i degës së BDI në Saraj, Fevzi Ebipi.

 

Përndryshe ditë më parë drejtori i NPK Saraj ka lajmëruar se gjatë fundjavës është vjedhur qarkullimi ditor i Ndërmarrjes Publike Komunale në Saraj. Këtë e ka konfirmuar edhe Ministria e Punëve të Brendshme.  Nga Prokuroria Publike thanë se e presin përfundimin e hetimit nga MPB-ja, për të vazhduar hetimet dhe procedurën e mëtutjeshme.