Maqedoni
QMK: Tre zjarre aktive, shtatë nën kontroll
09.09.2026 10:01
Gjatë 24 orëve të fundit janë regjistruar gjithsej 34 zjarre në ambient të hapur, nga të cilat tre janë aktive dhe shtatë janë nën kontroll.
Në Maqedoni vazhdojnë të jenë aktive tre zjarre në hapësirë të hapur, ndërsa shtatë janë vënë nën kontroll dhe 24 janë shuar plotësisht. Në periudhën nga 8 deri më 9 shtator, deri në orën 07:30, janë regjistruar gjithsej 34 zjarre, informon Qendra për Menaxhimin e Krizave (QMK).
Aktive janë zjarret në komunën e Strugës, në zonën Burinec – Llukov – Sellcë – Elevcë, ku digjet pyll me trungje të ulëta; në Makedonski Brod, pranë fshatit Belicë, në vendin Kajorec drejt Breznicës, ku është përfshirë pyll me trungje të ulëta dhe pyll i përzier; si dhe në Çuçer-Sandevë, pranë fshatit Brest, në vendin Ramno, ku digjet pyll i përzier.
Nën kontroll janë zjarret në Bençe dhe pranë Kërçovës, si dhe në Peçkovë, Stiniq, Bardovcë dhe Kopanicë.
Gjatë 24 orëve të fundit janë shuar 24 zjarre në disa lokacione në mbarë vendin, mes të cilave në Rosoman, Kriva Pallankë, Gostivar, Tetovë, Kumanovë, Prilep, Krushevë, Saraj, Gazi Babë dhe komuna të tjera.
Janë shuar gjithashtu zjarre në disa deponi dhe vende me mbeturina, mes të cilave në Idrizovë, Studeniçan dhe Zhilçe, si dhe pranë varrezave të qytetit dhe Varrezave të Reja në Krushevë dhe Prilep.