MPB: Nga e hëna do të fillojë sistemi “Qyteti i Sigurt” në Ohër

Nga e hëna, më 12 tetor, do të vihet në funksion sistemi për mbikëqyrjen e trafikut “Qyteti i Sigurt” edhe në zonën e SPB Ohër.

Pas përfundimit të kontrolleve teknike dhe testimeve, kamerat e sistemit do të aktivizohen në rrugët e kësaj zone, bën të ditur MPB-ja.

Sistemi synon të mundësojë kontroll më të vazhdueshëm të trafikut, evidentim në kohë të shkeljeve dhe rritjen e sigurisë në komunikacion.

Njëherësh MPB-ja u bëri thirrje drejtuesve të automjeteve që të respektojnë rregullat dhe sinjalistikën rrugore.