Shi dhe borë sot në RMV, fundjava sjell rikthimin e diellit

Mot me vranësira të ndryshueshme dhe reshje të herëpashershme lokale shiu parashikohet sot në Maqedoninë e Veriut. Në disa nga malet më të larta, reshjet pritet të kalojnë në borë të dobët, ndërsa do të fryjë erë nga veriu, herë pas here e përforcuar.

Sipas Drejtorisë për Punë Hidrometeorologjike, fundjava sjell stabilizim të motit. Të shtunën dhe të dielën pritet të mbizotërojë mot me diell dhe vranësira të ndryshueshme gjatë ditës. Kushtet e qëndrueshme pritet të vazhdojnë edhe në fillim të javës së ardhshme.