Prokurorët reagojnë ndaj vonesave, kërkojnë vendim për pagat nga Kushtetuesja

 

 

“Pretendimet në iniciativat për prokurorët publikë janë të pamohueshme, mirëpo pyetja është shumë më e gjerë: A i ka Prokuroria Publike të gjitha kushtet dhe resurset për të kryer funksionin e saj kushtetues në mënyrë të pavarur, të mëvetësishme, profesionale dhe efikase? Mungesa e kuadrit, mungesa e resurseve, rreziku nga rrezikimi kuadrik, përkatësisht largimi i një pjese të punonjësve, çon në një situatë ku ndikohet efikasiteti i procedurave, e me këtë edhe mbrojtja e të drejtave të qytetarëve.”, - theksoi kryetari i Shoqatës së Prokurorëve Publikë, Elvin Veli. 

 

Përfaqësuesit e institucioneve të prokurorisë theksojnë se nuk kërkojnë privilegje, por garanci institucionale për ushtrimin e pavarur të funksionit. Ata paralajmërojnë se ulja e pagave, mungesa e stafit dhe kushtet e kufizuara të punës mund të rrezikojnë funksionimin normal të Prokurorisë dhe të ndikojnë drejtpërdrejt në realizimin e të drejtave të qytetarëve.

 

Në reagimin e tyre, institucionet kërkojnë që Gjykata Kushtetuese të vendosë në përputhje me Kushtetutën dhe ligjet, duke marrë parasysh edhe qëndrimet e shprehura më herët nga vetë gjykata lidhur me pavarësinë e Prokurorisë. Çështja pritet të mbetet në vëmendje deri në marrjen e një vendimi përfundimtar për iniciativat e paraqitura.