Digjet një automjet në Shkup

Një automjet u përfshi nga flakët sot pranë Drejtorisë së të Ardhurave Publike (DAP) në Shkup, duke lëshuar tym të zi të dendur mbi ndërtesat aty pranë.

Sipas fotografive nga vendi i ngjarjes, flakët përfshinë automjetin, ndërsa tymi i dendur ishte i dukshëm nga larg.

Incidenti ndodhi në një rrugë të ngarkuar, ku në atë kohë kishte edhe automjete të tjera. Automjetet po lëviznin shumë pranë vendit ku shpërtheu zjarri.

Gjithashtu nuk dihet nëse zjarri ka ndodhur si pasojë e një defekti teknik apo për shkak të rrethanave të tjera.
Priten informacione shtesë nga institucionet kompetente mbi shkaqet dhe pasojat e incidentit.