Temperatura rekord në Rumani, minus 31.7 gradë

Meteorologët në këtë vend kanë njoftuar se edhe gjatë ditës së sotme temperaturat do të arrijnë nivele të larta të të ftohtit.

 

Termometri shënoi -31 gradë celsius, pak më pak se temperatura minimale më e ftohtë në histori, -35.8 gradë celsius, që është shënuar më 2005-tën. 

 

Edhe Japonia ka problem me motin e ftohtë në këto ditë të para të 2015-tës. Trafiku është rënduar ndjeshëm, madje në prefekturën nara rreth 100 makina e kaluan natën në rrugën e bllokuar nga bora.

 

Ekipet e shpëtimit kanë vështirësi në pastrimin e rrugëve, pasi ngrica dhe akulli e bëjnë terrenin tepër rrëshqitës. 

 

Por, ka një qytet ku temperatura të tilla rekord të ulëta janë të zakonshme për dimrin.

 

Qyteti më i ftohtë në botë llogaritet të jetë Jakutsk, kryeqytet i rajonit të Jakutijas në Rusi. Temperaturat në dimër në këtë qytet shkojnë mesatarisht në -34 gradë celsius.

 

Pranë këtij qyteti ndodhet edhe fshati më i ftohtë në botë, Ojmakon. Në këtë fshat është shënuar edhe temperatura më e ftohtë ndonjëherë mbi Tokë.

 

Temperatura më e ulët e matur në fshatin në fjalë ka qenë -71.2 gradë celsius dhe është shënuar përpara 90 vitesh.