Rrugëtimi i RMV-së dhe Shqipërisë në BE, Hollshtajn: Duhet të ecin paralel

Samiti i qershorit duhet të rezultojë me mbajtjen e konferencës së parë ndërqeveritare me Maqedoninë e Veriut dhe Shqipërinë, thekson ambasadorja gjermane, Anke Hollshtjan. Ajo përkujton se kjo kërkesë është parashtruar edhe nga ana e ministres së jashtme gjermane, Analena Berbok, në takimin e fundit të ministrave të BE-së në Luksemburg. Potencoi se Maqedonia e Veriut dhe Shqipëria duhen të ecin krah për krah drejt BE-së.

 

“Ministrja ime në margjina të takimit të ministrave të jashtëm të BE-së theksoi rëndësinë e mbajtjes së konferencës së parë ndërqeveritare me RMV-në dhe Shqipërinë. Është me rëndësi për ne që procesi   aderues  të jetë i përbashkët për të dyja shtetet. Për ne është me rëndësi  fakti se politika e zgjerimit tashmë si kurrë më parë është shndërruar në politikë të sigurisë.”,- tha ambasadorja e Gjermanisë, Anke Hollshtajn.

 

 

Duke folur për përmbajtjen e kornizës negociuese, Hollshtajn tha se dokumenti i referohet negociatave me BE-në dhe nuk mund të përfshijë aspekte tjera jashtë procesit eurointegrues, siç mund të jenë problemet ndër-shtetërore.

 

“Sa i përket kornizës negociuese dhe asaj se çka mund të përfshihet në të, ekzistojnë kufij. Përjashtohet të ketë një rast të tillë të precedentit që do të kishte pasoja për hapat e mëtejshëm të zgjerimit. Në parim, çështjet dypalëshe nuk i përkasin kornizës negociuese. Në interes të gjetjes së një zgjidhjeje do të bëhet ndonjë përpjekje për shterim të mundësive, por megjithatë nuk duhet të cenohet integriteti i kornizës negociuese.”,- theksoi ambasadorja Hollshtajn.

 

Hapjen e fillimit të bisedimeve me RMV-në dhe Shqipërinë në gjysmën e këtij viti, e kanë kërkuar shumica e ministrave të jashtëm të BE-së në takimet e fundit të tyre. Theksojnë se  Ballkanin Perëndimor rrezikohet  të shndërrohet në skenar të krizave të mëdha, për shkak të implikimeve ruse, ndërkaq kërkojnë nga Bashkimi Evropian të parandalojë me kohë.