Tregu mediatik: Shtohen radiot dhe televizionet në gjuhën shqipe

Prej vitit te ardhshëm , tregut  mediatik  egzisues do ti bashkangjiten  disa  radio dhe televizione të cilat do të  transmetojnë program tërsisësht  në gjuhën shqipe.

Një prej tyre, është në garën për marrjes së  licencës për transmetim të programit në nivel shtetëror. Gjatë vitit  2015 edhe  në  USHT do të hapet edhe  një radio studentore, e cila do të  ketë  statusin e radios jofitimprurëse.

“Kemi paralajmërim për paraqitjen e radiove dhe televizioneve të reja.Ajo që mund tju themë me kompetenc dhe me vërtetësi të madhe është se jemi në fazën përfundimtare të evaluimit të dokumentacionit për dhënien e lejes për një televizion që do të emitojë program në gjuhën shqipe në nivel shtetëror, dhe mendoj se kjo punë do të finalizohet brenda pak ditëv” – tha  zv.kryetari i këshillit të ASHAV, Milaim Fetai.

Në fazën përfudimtare  janë edhe  lejet e reja për veprimtari mediale në Maqedoni të cilët do të  shpërndahen  në përputhëshmëri me ligjin e ri të mediave.

Nga agjencia për shërbime audio dhe audiovizuele, informojnë  se zëvëndësimi i lejeve të vjetra do të bëhet për  gjithsej 132 media, 60 prej të cilave janë  subjekte televizive ndërsa 72 radio. 

“Momentalisht jemi në një fazë shumë të rëndësishme ku i realizojmë obligimet që dalin nga miratimin e ligjit të ri për shërbime mediatike audio dhe audiovizuele dhe ligji për media ku parashihet në mënyrë  decide që mediat egizistuese duhet ti zëvëndesojnë lejet e tyre me të reja brenda 90 ditëve prej zgjedhjes së kryetarit të drejtorit gjeneral të Agjencisë  dhe kjo fazë është në përfudim e  sipër dhe me 5 janar do tua ndajmë lejetë të gjithë atyre mediave që kanë aplikuar për zëvëndësimin e tyre ” - tha  zv.kryetari i këshillit të ASHAV, Milaim Fetai.

Por çfarë ndikimi do të kenë në tregun mediatik, mediat e reja Komunikologu Sefer Tahiri vlerson se hapja e mediave të reja  do të jenë në dobi të të gjithëve në rast se respektohen rregullat ligjore për finasimin e  mediave nga ana qeverisë dhe nëse  punohet në shërbim të qytetarëve.

“Duhet patur parasysh se sa këto media të cilët do të hapen në të ardhëmen do të kenë mundësi  të jenë në shërbim të publikut të jenë në shërbim të interesave dhe kërkesave të nevojave që ka publiku për informim dhe sidomos për edukim, sepse ne po shohim në Maqedoni se vazhdimisht  prodhohet  program zabavites, prodhohen tele novela apo transmetohen  filma të cilët nuk janë me ndonjë  cilësi të lartë dhe kjo është një ndër faktorëve që duhet ta ketë parasysh organi regullator” – u shpreh komunikologu, Sefer Tahiri.

Tregu mediatik në Maqedoni ka nevojë për media të reja, sidomos në gjuhën shqipe por më shumë se numri, qytetarët kanë nevojë për programe cilësore. Mbetet për tu parë se sa mediat e reja do të ndikojnë në ngritjen e cilësisë në këtë drejtim. (Rexhep Qamili, TVM2)