Maqedoni
Heqja e vetos, MPJ bullgare: Propozimi nga RMV-së, i pa pranueshëm
15.04.2022 11:11
Bullgaria qysh në muajin shkurt kanë njoftuar qeverinë e Maqedonisë së Veriut...
Bullgaria qysh në muajin shkurt kanë njoftuar qeverinë e Maqedonisë së Veriut, se propozimet e tyre nuk ishin të pranueshme dhe se bisedimet duhet të vazhdojnë. Kështu ka bërë të ditur për BGNES përmes një njoftimi të lëshuar nga MPJ bullgare në lidhje me pretendimet e ministrit të Jashtëm Bujar Osmani se ekziston një dokument që është i pranueshëm, por pritet përgjigje nga autoritetet në Sofje.
“Ka një dialog aktiv ndërmjet Ministrive të Punëve të Jashtme të Bullgarisë dhe Republikës së Maqedonisë së Veriut për të gjetur zgjidhje për çështje të hapura politike. Takimi i fundit i ekspertëve të ekipeve të Ministrisë së Punëve të Jashtme u mbajt më 11 shkurt të këtij viti, ku u diskutua për propozimet e fundit të Maqedonisë së Veriut, të dërguara zyrtarisht në dhjetor 2021 si përgjigje ndaj propozimeve të palës bullgare. Në takimin e muajit shkurt, pala bullgare i informoi përfaqësuesit e Maqedonisë së Veriut se propozimet e tyre nuk ishin të pranueshme dhe se bisedimet duhet të vazhdojnë”, tha Ministria e Jashtme bullgare. Ata shtuan se "kur të ketë një perspektivë për përparim të rëndësishëm, pala bullgare do të dërgojë propozimin e saj për të afruar qëndrimet".