Delegacioni bullgar në Manastir, Petkov: Punohet në zgjidhjen e kontestit

Bullgaria dhe Maqedonia e Veriut punojnë në gjetjen e një pozicioni të përbashkët  për dallimet dypalëshe, tha kryeminstri bullgar, Kiril Petkov, duke theksuar se bisedimet zhvillohen vetëm në kaudër të respektimit të Marrëveshjes për Miqësi,  ndërkaq  pohon se partitë politike  bullgare  kanë  konsensus nacional  për këtë çështje.

“Punojmë fuqishëm të dy qeveritë. Takohemi shpesh. Kemi obligime dhe duhet t' i plotësojmë. Jemi fuqishëm të bindur në të ardhmen evropiane të Maqedonisë së Veriut. Është me rëndësi për stabilitetin e rajonit” – tha Kryeministri i Bullgarisë, Kiril Petkov.

Hapja e qendrës kulturore në Manastir, Petkov:Bullgarët në RMV, urë lidhëse mes dy vendeve

Kryeministri bullgar Petkov i cili me delegacionin e tij përuroi  hapjen e qendrës kulturore “Ivan Mihajllov"  në Manastir, theksoi se komuniteti bullgar në Maqedoni është urë e vërtetë mes dy shteteve.

Zyrtarët e Sofjes këkruan garancë kushtetuese për bullgarët e Maqedonisë së Veriut.

“Sot është dita e kushtetutës bullgare, ligj bazë që i mbron të drejtat, liritë dhe obligimet e qytetarëve. Besoj se kushtetuta, të drejtat kushtetuese të komunitetit bullgar janë shumë të rëndësishme dhe janë nja hap i madh për barabarësi  me popujt shtetformues në Maqedoni” – u shpreh Kryeministri i Bullgarisë, Kiril Petkov.

Jotova: Këtu kalon historia dhe e ardhmja jonë

“Jo rastësisht në Manastir, në një nga qytetet e mbushura me histori. Kur vija këndej, e mendoja. Kjo është  historia jonë e përbashkët. Histori e një populli të vuajtur, atij bullgar, këtu dhe jasht kufijve. Këtu ka kaluar sovraniteti dhe e ardhmja jonë” – deklaroi Nënkryetarja e Bullgarisë, Ilijana Jotova.

Osmani: Jemi shtet demokratik për të gjithë

Minsitri i jashtëm, Bujar Osmani me qëndrimin se niveli demokratik i shtetit  u lejon  komuniteteve brenda  vendit t'i mbrojnë vlerat identitare. Potencoi se shteti jonë nuk është pjesë e hapjes së kësaj qendre kulturore bullgare.

“Unë shoh pakënaqësi tek qytetarët për shkak të faktit se po hapet shoqatë që mban emrin  e figurës historike që ndërlidhet me fashizmin, dhe kështu me rradhë. Ne si shtet nuk jemi të përfshirë në atë projekt. Ky shtet është demokratik dhe qytetarët e të gjitha bashkësive mund të organizohen ne forma të ndryshme, t'i përfaqësojnë vlerat identitare” – theksoi Ministri i Jashtëm, Bujar Osmani.

Delegacioni bullgar dhe ai i vendit  vizituan linjën e transmetimit  që fillon  nga "Manastiri 2", dhe  është pjesë e projektit për lidhjen energjetike të Korridorit 8, për realizimin e interkonjeksionit me Shqipërinë. (Nermin Mulaki – Fejzullahu, TVM2)