Rusia sulmon Kievin dhe Lvivin

Dita e 52 e pushtimit rus në Ukrainë. Luftimet më të ashpra po zhvillohen në Mariupol, Kiev dhe Lviv. Të dhënat zyrtare nga Ukraina flasin  për 3000 ushtarë ukrainas të vdekur deri më tani, ndërkaq afër 10,000 të tjerë të plagosur, duke mos  njoftuar  për numrin e civilëve që kanë humbur jetën.

“Hapat kryesor të  armikut janë koncentruar  në grupi min dhe forcimin e grupeve ruse, vazhdimin e bllokimit të qytetit Karkov  dhe në granatimin me artileri” – tha Oleksandar Shputun, Gjeneral i Forcave Ukrainase.

Zelenski: Nuk e dimë sa do të zgjat konflikti

Presidenti  ukrainas Volodimir  Zelenski  thotë se nuk e di sa do të zgjat konflikti me Rusinë, por  për ta është me rëndësi sukses  i ushtrisë  ukrainase dhe shtimi i sanksionieve ndërkombëtare ndaj Rusisë..

“Sa  më shpejt që ta marrim armatimin të cilin e kemi kërkuar,  aq më i fortë do të jetë pozicioni ynë dhe aq më shpejt do të vijë paqa. Sanksionet kundër Rusisë janë shumë serioze, janë të dhimbshme në aspektin ekonomik  por, nuk janë të mjaftueshme për të parandaluar makinerinë ushtarake të Rusisë. Ne duhet të promovojmë sanksione më të forta, më shkatërruese. Kjo do të përcaktojë se sa do të zgjasë kjo luftë” – u shpreh Presidenti i Ukrainës, Volodimir Zelenski.

Dëmtimi i infrastrukturës ka vështirësuar  rrugën  për shpërndarjen e ndihmave humanitare për cilvilët në zonat ku janë tërhequr trupat ruse, thonë autoritetet britaneze.

Qyetarët e zonave të rrezikura në panik, ndërkaq raporti i OKB-së ka shënuar   5 milionë persona  që janë larguar nga Ukraina.

“Ekspodim i rëndë është dëgjuar edhe në qytetin lindor Kramatorsk”.

“Linja e frontit po zhvendoset, po lëviz ndërsa unë me të vërtetë nuk dua të gjendem në linjën e frontit”.

“Ndjejë pak panikë. Brengosem për të afërmit dhe familjarët, për qytetin tim. Me të vërtetë nuk dua të jem i zhdukur” – thanë disa nga qytetarët ukrainas të zonave të rrezikuara nga lufta.

Ndërkohë Rusia  ka paralajmëruar  zyrtarisht SHBA-të dhe partnerët e tyre se mund të kenë pasoja të paparashikueshme nëse vazhdojnë ta furnizojnë Ukrainën me armatim dhe mjete ushtarake. (Farije Dauti – Bakiu, TVM2)