Kovaçevski për gazetën greke "To Vima", menjëher negociatat, anulimi rrit euroskepticizmin

Kryeministri Dimitar Kovaçevski në një intervistë për gazetën greke  "To Vima", tha se  anulimi i integrimit evropian ndikon tek euroskepticizmit dhe mosbesimi në përgjithësi.

Sipas tij, zgjerimi i BE-së rrit siguron dhe stabilizon demokracinë, ndërsa për Maqedoninë e Veriut dhe Shqipërinë është e rëndësishme të fillojnë bisedimet për antarësim në BE pa vonesë, veçanërisht në kontekstin e luftës në Ukrainë. Kryeministri Kovaçevski tha se “NATO dhe BE duhet të ruajnë besueshmërinë e tyre për të forcuar rajonin”, dhe politika e dyerve të hapura është një sukses historik që garanton paqen dhe sigurinë në të gjithë kontinentin evropian.

“Kjo politikë duhet të vazhdojë të sigurojë integrimin, sigurinë dhe stabilitetin e rajonit në Ballkanin Perëndimor. Anulimi I vazhdueshëm i integrimeve evropiane ndikon në euroskepticizmin dhe mosbesimin në përgjithësi. Ne duhet të kapërcejmë mosmarrëveshjet rajonale. Kjo është çështje sigurie sot, dhe jo çështje ekonomike. Zgjerimi i BE-së do të rrisë sigurinë. Do të stabilizojë demokracinë. “Është shumë e rëndësishme që Maqedonia e Veriut dhe Shqipëria të fillojnë negociatat e anëtarësimit me BE-në pa vonesë”, tha kryeministri Kovaçevski.

Kryeministri Kovaçevski shtoi se për Maqedoninë e Veriut nuk ka alternativë tjetër përvç anëtarësimit në BE.

“Për ne është një pranim i vlerave dhe angazhimeve më të larta demokratike perëndimore për të përmbushur standardet evropiane në shoqëri dhe institucione. Pengesa për fillimin e negociatave mes Shqipërisë dhe Maqedonisë së Veriut ndihet në të gjithë rajonin si një goditje për Bashkimin Evropian. Mungesa e miratimit të kornizës së negociatave është duke humbur kohë të vlefshme. Është e rëndësishme, veçanërisht në kontekstin e luftës në Ukrainë, që procesi të fillojë pa një ditë vonesë. Është e nevojshme që Maqedonia e Veriut të ketë një perspektivë të kristaltë evropiane, të ketë një proces integrues të parashikueshëm, të besueshëm, të fortë dhe të përshpejtuar”, tha kryeministri Kovaçevski. (Rexhep Qamili, TVM2)