Nikollovski: Vaj për gatim ka mjaftueshëm, s’ka vend për panik

Qytetarët nuk duhet të krijojnë panik. Vaj për gatim ka në sasi të mjaftueshme në treg. Ministri i bujqësisë, Ljupço Nikollovski, informoi se në vend kanë arritur sasitë e para të vajit nga Serbia, kurse po importohet vaj edhe prej vendeve të tjera.

 

“Sasitë e vajit veç më kanë arritur nga Serbia, importuesve dhe tregtarëve iu është lënë se në çfarë dinamike do të zbatojnë distribuimin e vajit deri te shitësitë. Jo vetëm vaj për gatim nga Serbia, por edhe vaj i rafinuar dhe i jo rafinuar, sot arrin edhe prej vendeve tjera. Sot kemi eksport edhe nga Rusia, Ukraina apo Bullgaria.”,- tha ministri i bujqësisë, Ljupço Nikollovski.

 

Megjithatë, ende kompanitë e vendit nuk po mund të marrim vaj jo të rafinuar për shkak të ndalesës nga ana e palës serbe. Lëndën e parë të vajit ata ende e marrin nga vende tjera me çmime më të larta. Nikollovski pret që Serbia sa më parë do të heq ndalesën për importimin  e vajit jo të rafinuar. 

 

“Do të shqyrtohet se sa është importuar nga këto dy milion litra dhe se a ka nevojë për sasi shtesë. Gjithsesi se presim nga qeveria e Serbisë atë ta miratojë dhe t’u mundësohet kompanive tona që të blejnë sasi shtesë vajit të rafinuar, por gjithsesi se presim heqjen e ndalesës për importin e vajit të jo rafinuar për gatim, sepse e dimë që lëndët e para atje janë më të lirë. Por, shohim se kompanitë po i sigurojnë edhe nga vendet tjera.”,- theksoi ministri i bujqësisë, Ljupço Nikollovski.

 

Ai potencoi se po bëhen politika edhe në drejtim të rritjes së prodhimit vendor. Në këtë drejtim u shpall edhe thirrje publike për 6.000 hektarë tokë shtetërore, për përpunimin e fushave.