BFI ndau pako ushqimore për 4000 familje

Këto pako me ndihma po shkojnë për familjet në nevojë. Për hir të muajit të Ramazanit, i cili ndër vete ngërthen edhe humanitetin, BFI në bashkëpunim me organizatën humanitare “Hilal” filloi aksionin për ndarje të pakove ushqimore për 4000 familje në tërë territorin e shtetit, të cilat janë donacion nga Turqia. Këto pako do të ndahen nëpër të gjitha myftinitë e vendit, që pastaj ato do t’i shpërndajnë te ata që kanë nevojë. 

 

“Bëhet fjalë për dhurata të Ramazanit, 4000 pako e cila na vjen nga drejtoria e vakëfëve të Turqisë, me të cilën vite me radhë kemi një bashkëpunim të mirëfilltë. Duke i ndarë këto dhurata unë e falënderoj drejtorisë së vakëfit, si dhe të gjithë aktivistëve të cilët janë marrë me këtë punë, që këta ndihmë të arrijnë në Maqedoninë e Veriut.”,- tha kryetari i BFI-së, Shaqir Fetahu.

 

Gjithashtu në vend kanë ardhur edhe ndihma që janë donacion nga Arabia Saudite të cilat gjithashtu BFI do t’i ndajë për skamnorët, jetimët dhe ata që kanë nevojë.