Besimtarët ortodoksë kremtojnë të “Premten e Madhe”

Të Premten e Madhe vuajtjet e Krishtit arritën pikën kulmore dhe u bë kryqëzimi i tij. Prej orëve të para të mëngjesit të së Premtes besimtarët në kisha përgatisin Epitafin. Besimtarë të shumtë natën e kalojnë në kishë pranë epitafit të Krishtit. Deri në orën 11:00 të paradites kryhet mesha e shenjtë e Orëve të Mëdha, ku gratë e qajnë Krishtin dhe njëkohësisht besimtarët bëjnë pelegrinazh para Krishtit të kryqëzuar. Më pas kleri vendos Krishtin e kryqëzuar në kasën e zbukuruar me lule dhe simbole të krishterimit. 

 

Në të gjitha kishat ortodokse në botë, epitafi dhe pelegrinazhi i besimtarëve kalojnë në formë unazore në rrugët e qyteteve dhe fshatrave rreth kishës - tempullit ku mbahet edhe mesha. Është një nga ritualet më të njohura dhe më tradicionalë të Kishës Ortodokse, ku shumë besimtarë dhe vizitorë bëhen pjesë e Epitafit të Krishtit.