Osmani me kërkesë nga Berlini: Të zhbllokohet procesi eurointegrues

Ministri i jashtëm, Bujar Osmani në tentativë  diplomatike  për të përshpejtuar eurointegrimin e vendit.  

Në takimin e tij me zyrtarët gjerman në Berlin, Osmani ka kërkuar  mbështjetje për zhbllokimin urgjent të proceseve eurointegruese në rajon, duke e cilësuar  si një investim gjeostrategjik të BE-së për  një rajoni të sigurt, stabil dhe prosperues.

Në takim me  Këshilltarin për Politikë të Jashtme dhe të Sigurisë, Jens Pletner,  Osmani ka thënë se me hapjen e negociatave për anëtarësim, Bashkimi Evropian  do të demonstrojë rolin e saj si një lojtar gjeostrategjik të  politikës së  jashtme dhe të sigurisë.

Nga Berlini, ministri Osmani udhëton për në Sofje. Poashtu, në kryeqytetin bullgar me 26 maj qëndron për vizitë edhe eurokomesari për zgjerim, Oliver Varheji, i cili do të merr pjesë në një konferencë për Ballkanin Perendimor, së bashku me ministrat e jashtëm të rajonit.

Osmani dhe Varheji  më pas  kthehen në Shkup për të vazhduar axhendën e takimeve.