Kievi goditet me raketa gjatë vizitës së Guterres-it

Dy shpërthime goditën kryeqytetin Kiev, ndërsa Sekretari i Përgjithshëm i OKB-së, Antonio Guterres, ishte në qytet për bisedime me presidentin e Ukrainës, Volodymyr Zelensky. Sipas zëdhënësit të tij, një nga raketat që goditi Kievin të enjten ishte pranë hotelit ku po qëndron sekretari i përgjithshëm i OKB-së për vizitë. Raketa goditi një orë pasi Antonio Guterres mbajti një konferencë shtypi me presidentin ukrainas Volodymyr Zelensky.

“Unë jam sot në Kiev. Dy raketa kanë shpërthyer në Kiev, u trondita kur u informova se dy raketa kishin shpërthyer në qytetin ku ndodhem . Kjo është një luftë dramatike, dhe ne absolutisht duhet t’i japim fund kësaj lufte dhe absolutisht duhet të kemi një zgjidhje për këtë luftë”, deklaroi Guterres.

Zyrtarët ukrainas kanë dënuar sulmin me raketa të Rusisë në Kiev të enjten mbrëma.

Sipas tyre, disa persona u plagosën në sulmin me raketa të Rusisë

Presidenti Volodymyr Zelensky, në videomesazhin e tij të përditshëm, tha se “sot, menjëherë pas përfundimit të bisedimeve tona me Guterres në Kiev, 5 raketat ruse fluturuan në qytet.

Kjo tregon shumë për qëndrimin e vërtetë të Rusisë ndaj institucioneve globale, në lidhje me përpjekjet e udhëheqjes ruse për të poshtëruar OKB-në dhe gjithçka që përfaqëson organizata. Prandaj kërkon një përgjigje të menjëhershme dhe të fuqishme”.