Mesazhe paqeje, dashurie dhe mëshire, besimtarët muslimanë festojnë Fitër Bajramin

Në mbarë botën Besimtarët muslimanë, festojnë Fitër Bajramin. Në këtë ditë mbretëruan  mesazhe paqeje, mirësie respekti, dashurie dhe mëshire.

Manifestimi kryesor në vendin tonë,  u mbajt në Shkup në xhaminë Mustafa Pasha,  ku morën mjesë një numër i madh i besimtarëve dhe kryesia e Bashkësisë Fetare Islame në RMV.

Mesazhi i faljes së sotme iu dedikua dashurisë edhe solidaritetit ndaj të pamundurve. Nuk munguan as mesazhet kundër luftës e urimet për paqe në botë.

“Festa e Ftër Bajramit, është ngadhnjim i së mirës ndaj të keqes, i shpirtërores ndaj epshores e emocionales, I të sinqertës ndaj mashtrimit, I ngritjes ndaj rënies, durimit ndaj mosdurimit. e gjithë kjo të bën personalitet të aksionit në kultivimin e së mirës e evitimit ndaj së keqes. kjo ëhtsë rruga e vërtetë e ngritjes së besimtarit, që në momentin e duhur t’ju japë përgjigje sfidave ndaj situatave  që sjelll koha në të cilën jetojmë. Sfida më e madhe sot, është lufta, që lëviz në tërë botën, sot në një vend e nesër në një tjetër.  Ramzani i bekuar me vlerat e tij si dhe kjo ditë e madhe, na mësojnë se luftrat janë të uaja për Islamin, e paqja është më e shtrenjta për njeriun. Sipas islamit, të shpëtosh një jetë, ke shpëtuar të gjithë njerëzimin, e të mbysësh një jetë njerëzore, është si të mbysësh tërë njerëzimin” – u shpreh Kryetari i Bashkësisë Fetare Islame, shaqir ef.fetahu.

Pas faljes së Bajramit, besimtarët iu drejtuan shtëpive të tyre për të vijuar me kremtimet e kësaj dite.

Fiter Bajrami vjen si përmbushje e muajit të shenjtë të Ramazanit, gjatë së cilit besimtarët privohen nga ushqimi dhe uji që prej lindjes së diellit e deri në perëndim të tij, një sakrificë që dëshmon besimin ndaj Zotit, përgjatë së cilës krahas faljeve dhe lutjeve jepet edhe sadakaja e fitrit për të varfrit. (Florije Beluli – Kamberi, TVM2)