Nuk ka më rajone të krizës

Kjo u bë e ditur nga Shtabi i Krizës, i cili u themelua pas reshjeve të para të borës në vend. 

 

"Nga orët e vona të mbrëmjes së kaluar nuk kemi më pika kritike, përkatësisht rajone që nuk furnizohen me energji elektrike. Në orët e vona të natës u lëshua në përdorim largpërçuesi i ri, që e ndërtuam në dy ditët e kaluara, nga ura e Boshkut deri te trafostacioni Jançe, me disa shtylla speciale rreth liqenit të Mavrovës"- deklaroi Igor Gievski nga EVN.

 

Ndërsa drejtori i Drejtorisë për Mbrojtje dhe Shpëtim, Shaban Saliu, njoftoi se Shtabi i Krizës ka arritur të evakuojë katër persona nga rajoni i Dibrës, të cilët ishin bllokuar nga bora në një veturë dhe katër fëmijë dhe një të moshuar nga Gari, të cilët po ashtu ishin bllokuar nga bora.