Prilep, përplasen dy autobusë, lëndohen 20 punëtorë tekstili

Njëzet punëtorë tekstili kanë mbetur të lënduar pas përplasjes së dy autobusëve në ora 5:30 të mëngjesit të sotëm në Prilep, pranë  vendbanimit Toçilë.

 

Sipas informacioneve jozyrtare, përplasja ka ndodhur pasi drejtuesi i njërit prej autobusëve, që ka qenë duke ushëtuar bosh, ka shfaqur probleme shëndetësore e si pasojë ka humbur kontrollin duke u përplasur me autobusin që kishte  ndaluar në pikën e ndalesës për të marrë punëtorët. Por kjo duhet vërtetuar nga hetuesit.

 

Ekipet mjekësore menjëherë i kanë transportuar pasagjerët e lënduar në Spitalin e përgjithshëm të Prilepit. Ndonëse në raportin policor thuhet se dy pasagjerë janë në gjendje të rëndë, drejtoresha  e këtij spitali, Keti Smileska,  tha se vetëm një pacient do të mbahet në spital,  ndërsa të tjerët janë lëshuar për trajtim shtëpiak.

 

“Prokuroria  ka hetuar vendin e aksidentit  dhe do të marrë në pyetje të gjithë pasagjerëve për të përcaktuar shkaqet e aksidentit”. – thonë nga Prokuroria Publike.