Eurointegrimi i RMV-së dhe Shqipërisë, Prajs: Dy shtete të nisin bisedimet me BE-në

Maqedonia e Veriut dhe Shqipëria duhet të hedhin një hap përpara drejt integrimit evropian dhe ajo të jetë mbajta e konferencës së parë ndërqeveritare me BE-në,  ka deklaruar zëdhënësi i departamentit të shtetit amerikan, Ned Prajs. Konfirmon se Shtetet e Bashkuara po zhvillojnë bisedime dypalëshe me Bullgarinë dhe Maqedoninë e Veriut për të arritur një zgjidhje sa më të shpejt në mosmarrëveshje. SHBA-të shpresojnë se Shkupi dhe Sofja do të ndjekin modelin e Marrëveshjes së Prespës për të dalë nga kriza bilaterale. 

 

“Marrëveshja historike e Prespës dëshmoi se vendet e Ballkanit Perëndimor janë të gatshme të realizojë detyra të rënda, të bëjnë kompromise, të gjejnë zgjidhje. Ne jemi të bindur se Bullgaria dhe Maqedonia e Veriut do ta bëjnë të njëjtën përmes bisedimeve mbi çështjet  kontestuese. Ne vazhdojmë të bëjmë përpjekje që edhe  Bullgaria edhe Maqedonia e Veriut t’i rregullojnë dallimet sa më shpejt. Kuptohet, nuk do të informojmë detajisht për këto bisedime.”,- tha zëdhënësi i Departamentit të Shtetit, Ned Prajs.

 

 

Ndërkohë në Bullgari pranohet presioni amerikan, por mes partive te koalicionit qeveritar ka dallime të mëdha nëse duhet hequr vetoja apo jo. Madje, nga opozita bullgare i bëjnë thirrje pushtetit që të mos premtojë,  pa u arritur një vendim unanim me baza nacionale.

 

“Më vjen keq që disa politikan bullgar kapen pas propagandës së Maqedonisë së Veriut. Kiril Petkov po bën përpjekje ta tërheq veto-n pa i plotësuar fqinji kushtet. Nuk duhet t;i ngjajmë një revanshit të thjeshtë historik. Ata këtë e duan. Një shtet I cili pretendon të bëhet anëtare e Bashkimit Evropian në shekullin 21, ndërsa  nuk i respekton të drejtat themelore të njeriut.”,- theksoi deputetja e Partisë GERB në Bullgari, Ekaterina Zaharieva.

 

Në konferencën e një ditë më parë, me rastin e përvjetorit të vdekjes së heroit Goce Dellçev, politikanët  e Sofjes ishin të vendosur në deklaratat e tyre se pa u përfshirë bullgarët në kushtetutë, nuk do të diskutohet zhbllokimi i rrugës eurointegruese ndaj Maqedonisë së Veriut, kërkesë e cila në parlamentin shtetëror  kërkon votim nga 2/3 e deputetëve.