Hodhi në tokë flamurin shtetëror, RTM dënon ashpër veprimin e Andrea Koevskës

RTM  ka reaguar ashpër pas veprimit të përfaqësueses së vendit tonë në Eurovision, Andrea Koevska, për shkak të gjestit që bëri gjatë ceremonisë së hapjes së festivalit që u mbajt ditën e djeshme. Andrea derisa pozonte para fotografëve, për një cast hedh flamurin shtetëror në tokë.

 

“Servisi  Publik nuk qëndron në asnjë mënyrë pas kësaj sjelljeje skandaloze të përfaqësueses tonë të Eurovizionit, e cila me atë gjest tregoi mosrespektim ndaj simbolit kombëtar, i cili dënohet me ligj. RTM  pret që Andrea t’u kërkojë falje qytetarëve për një sjellje të tillë. Servisi  publik po shqyrton mundësinë e tërheqjes së saj nga Eurovizioni, ndonëse do të bëhet kujdes që të mos i shkaktohen më shumë dëme RTM-së. Ndaj përgjegjësve në delegacionin maqedonas do të merren të gjitha mundësitë ligjore për sanksionim më të rreptë për këtë skandal.“, thuhet në reagim.