Maqedoni
Borrell: E ardhmja e Ballkanit Perendimor, është në BE
11.05.2022 18:52
Përfaqësuesi i Lartë i Bashkimit Evropian për Politikë të Jashtme dhe Siguri, Josep Borrell...
Përfaqësuesi i Lartë i Bashkimit Evropian për Politikë të Jashtme dhe Siguri, Josep Borrell, mblodhi në një darkë joformale gjashtë liderët e Ballkanit Perëndimor. Borrel tha se në këtë kohë që ka luftë në kufjitë europianë, duhet krijuar një strategji kolektive substanciale për problemet e hapura në rajon dhe për të ardhmen e përbashkët europiane.
“Dua të biseodojmë me partnerët e afërt nga 6 vendet e Ballkanit. Flas me ta si anëtarë të ardhshëm të BE-së, si t’i ndajmë sfidat së bashku, nga pasojat e luftës në Ukrainë. Ne e dimë se Rusia mundohet të prek në dobësitë tona dhe dobësitë e rajonit. Duhet të punojë patjetër bashkë, mos t'ia lejojmë këtë Rusisë. Ballkani Perëndimor nuk është jashtë oborrit tonë. Është oborr i yni, pjesë e gjeografisë sonë. Një Evropë e sigurt dhe prosperuese, është interes kolektiv dhe mënyra më e mirë për të krijuar të ardhmen e Ballkanit Perendimor sepse e ardhmja e saj ëshë në BE.”, tha Josef Borrell, diplomat i lartë i BE-së.
Zgjerimi i BE-së, Kovaçevski: Çështje e sigurisë për Ballkanin Perendimor
Për RMV-në është domosdoshmëri imediate hapja urgjente e bisedimeve dhe mbajtja e konferencës së parë ndërqeveritare me BE-në.
“Zgjerimi I BE-së nuk është vetëm proces politik apo ekonomik, por nën dritën e zhvillimeve të reja politike , zgjerimi i BE-së është bërë tashmë çështje e sigurisë për rajonin e Ballkanit Perendimor.”, tha kryeministri Dimitar Kovaçevski.
Edhe Kosova pret integrimin e Ballkanit Perendimor në BE.
“Kemi ardhur nga Kosova për të marr pjesë në darkën e Borelit. Presim të bisedojmë shtruar për një integrim më të shpejtë të Ballkanit Perendimor në BE.”, tha ministrja e jashtme e Kosovës, Donika Gërvalla Shfarc.
Darkat e tilla joformale u bënë traditë nga paraardhësja e Borrellit, Federica Mogherini, e cila takonte liderët e Ballkanit çdo vit, për të diskutuar për të ardhmen e rajonit dhe sfidat kryesore me të cilat ai përballet.
NERMIN MULAKI FEJZULLAHU