Tetovë, revizioni konstatoi parregullsi financiare në Gjimnazin “Kiril Pejçinoviq”

Gjatë një inspektimi të kryer në Gjimnazin “Kiril Pejcinoviq” në Tetovë, Revizioni komunal i Tetovës ka konstatuar një sërë shkeljesh financiare që kanë dëmtuar buxhetin e shkollës dhe kanë penguar mbarëvajtjen normale të procesit edukativo-arsimor.

Llalla: Nuk ka shkelje, vendimi i komunës - selektiv

Ndërkohë, Këshilli i Shkollës ka njoftuar kryetarin e komunës për shkarkimin e drejtoreshës, Teuta Llalla.

“Komuna përmes avokatit ka iniciuar gjithashtu edhe një procedurë për të konstatuar shkeljet ligjore që janë bërë nga na e drejtoreshës”,- thuhet mes tjerash në raportin e lëshuar.

Nga ana tjetër drejtoresha e gjimnazit të Tetovës, Teuta Llalla, ka reaguar në lidhje me revizionin e kryer në këtë institucion, duke e quajtur si selektiv.

Ajo ka konfirmuar se i është dorëzuar një akt-vendim nga përfaqësuesit e komunës së Tetovës, të lëshuar nga kryetari i komunës, sipas të cilës kërkohet shkarkimi i saj.

Llalla mohon të ketë pasur keqpërdorime me mjetet financiare të shkollës gjatë kohës derisa ajo po ushtron funksionin e drejtorit të shkollës  dhe shton se revizioni është bërë në mënyrë selektive. (Visar Sadiki, TVM2)