Maria Pineda akuzohet për zhdukjen e 43 studenteve

Për zhdukjen e 43 studentëve në Meksikë, prokuroria ka ngritur akuza për krim të organizuar dhe pastrim parash ndaj bashkëshortes së ish-kryebashkiakut të qytetit Iguala.

 

Maria Pineda është bashkëshortja e Jose Luis Abarca, ish- kryebashkiak i qytetit Iguala.

 

Të dy u arrestuan në nëntor, por vetëm në këtë fillim-vit tani janë zyrtarizuar akuzat ndaj saj, shkruan BBC-ja. 

 

Pineda, është motra e vëllezërve të një bande të rrezikshme droge që operojnë në Iguala, Guerrero.

 

Kjo bandë rrëmbeu dhe vrau 43 studentët, trupat e të cilëve ende nuk janë gjetur plotësisht, pasi që ato mendohet se janë djegur.