Elisabeth Borne u emërua kryeministre e ardhshme e Francës

Presidenti francez, Emmanuel Macron, ka zgjedhur Elisabeth Borne për të udhëhequr qeverinë e tij të re.

 

Borne u emërua kryeministrja e re e Francës pas dorëheqjes së Jean Castex.

 

Është hera e dytë që Franca do të drejtohet nga një kryeministre femër. Ajo do të jetë përgjegjës për drejtimin e reformës së diskutueshme të pensioneve të Macron.

 

Thuhet se Macron donte të promovonte një grua dhe tha se dëshironte të emëronte "dikë që ishte i fortë në çështjet sociale, mjedisore dhe të prodhimit".

 

Largimi i Castex ishte planifikuar prej kohësh pas fitores së Macron në zgjedhjet presidenciale të prillit.

 

Borne, 61 vjeç, ka shërbyer gjithashtu si ministër i transportit dhe ministër i ekologjisë nën Macron dhe ka ndjekur me sukses reformat në lidhje me trajnimin profesional dhe kompaninë franceze të hekurudhave SNCF.