Komuna e Sarajit nënshkruan memorandum bashkëpunimi me organizatën humanitare jofitimprurëse “Legis”

Komuna e Sarajit nënshkroi një  memorandum bashkëpunimi me organizatën humanitare jofitimprurëse “Legis”.

Në takimin që kryetari i Komunës së Sarajit Blerim Bexheti kishte me  Kryetarin e organizatës  Jasmin Rexhepi dhe kordinatoren e projekteve  Nermine Hamidi, u bisedua  për projektet e organizatës dhe aktivitetet të cilat janë të fokusuara kryesisht në ndihmën humanitare dhe ndërgjegjësimin për të ofruar ndihmën e nevojshme.

Me nënshkrimin e këtij memorandumi Komuna e Sarajit brenda kornizave ligjore do të ofrojë mbështetje për realizimin e aktiviteteve të përbashkëta humanitare dhe projekteve tjera në fushën e rinisë, arsimit dhe kulturës në teritorin e komunës.