Bashkësia etnike turke nuk pranon rezultatete regjistrimit

Bashkësia etnike turke nuk pranon rezultatet e regjistrimit në vend. Ato dorezuan në Entin shtetëror për statistika ankesë në lidhje me procesin e regjistrimit, te cilin e vleresojne si kunder-kushtetues. Husrev Emin, koordinator i Trupit Koordinues Kombëtar për Regjistrimin e Komuniteteve Turke, tha se rezultatet dhe përqindjet e publikuara më 30 mars 2022 nga Enti Shtetëror i Statistikave nuk paraqesin pasqyrën e vërtetë të komunitetit turk në vend.

 

“Si Trup Koordinues Nacional për Regjistrimin e Popullit Turk në Republikën e Maqedonisë së Veriut, kemi dorëzuar ankesë me fakte dhe argumente se i gjithë regjistrimi është bërë në kundërshtim me dispozitat kushtetuese dhe ligjore. Gjithashtu, janë shkelur shumë të drejta të përcaktuara në Kushtetutën e Republikës së Maqedonisë së Veriut. Kërkojmë nga Enti Shtetëror i Statistikave që të anulojë rezultatet e regjistrimit dhe ta shpallë atë të pavlefshëm.”, tha Husrev Emin.

 

Indinjatën e tyre ne lidhje me procesin e regjistrimit e shprehen edhe dy partitë turke në vend. 

 

“Ne prisnim që regjistrimi të ishte një operacion statistikor, por fatkeqësisht e pamë që ishte një operacion politik.”, tha kryetari i LUKT-së, Erdogan Saraç.

 

“Është shumë normale të ketë reagime nga Republika e Turqisë, si vendlindja jonë. Republika e Turqisë në këtë rast dhe në të kaluarën është dëshmuar se është një mike shumë e mirë, një mike shumë e ngushtë e vendit tonë.”, kryetari i PDT-së, Bejxhan Iljaz. 

 

Gjithashtu ata theksuan se nuk pranojnë një rezultat që nxjerr turqit nën 7%.