Bombardohen 40 qyteza në Donbas

"Gjeopolitikanët e madhej që sugjeron këtë injoron interesat e ukrainasve të zakonshëm - miliona që jetojnë në territorin që ata propozojnë të heqin dorë si një iluzion paqeje. Krijohet përshtypja se zoti Kissinger nuk e ka në kalendarin e tij vitin 2022, por vitin 1938”, tha Zelensky.

 

Forcat ruse kanë bombarduar dhjetëra qyteza në rajonin e Donbasit dhe po u afrohen dy qyteteve kyçe, Severodonjeck dhe Lisiçansk, ku mijëra civilë rrezikojnë të mbesin të bllokuar pa rrugëdalje, ka thënë ushtria ukrainase. Forcat ruse kanë bombarduar 40 qyteza në zonat e kontrolluara ende nga Kievi në rajonin e Donbasit, ka thënë ushtria ukrainase.

 

“Nuk është sekret që trupat ruse kanë arritur vërtet sukses të përkohshëm taktik në disa zona, por është e gabuar të interpretohen këto veprime si një tërheqje e forcave ukrainase.”, tha Oleksandr Motuzyanik, zëdhënës i ministrisë së mbrojtjes i Ukrainës.

 

Portet detare ukrainase mbeten të bllokuara nga flota ruse e Detit të Zi, duke dëmtuar eksportet e grurit dhe naftës.

 

“Dikur kemi pasur një qarkullim prej rreth 6 milionë tonë përmes porteve dhe qendrave të tjera të transportit, tani jemi në 600 deri në 700 mijë në muaj.”, thotë Vitaly Lavrov, një tregtar drithërash

 

Për Ukrainën, bllokimi i porteve është një shantazh i qartë për të kundërshtuar rritjen e inflacionit dhe rënien e fuqisë blerëse në Rusi. Ndërsa presidenti rus Putin ka urdhëruar rritje të pagave të ushtarëve rusë që po luftojnë në Ukrainë.