Parcelat e fotovoltaikëve, PTHP fillon hetmet për 6 persona

Prokuroria Themelore Publike ka filluar hetimet kundër shtatë personave, dy prej të cilave hetohen se kanë kryer veprën penale “mashtrim në shërbim” dhe 5 të tjerë për ndihmë në kryerjen e kësaj vepre penale” për shit-blerjen e disa parcelave të dedikuara për ndërtimin e voltazheve fotovoltaike në rajonin Dellçevë-Berovë. Për 6 të dyshuarit PTHP kërkon përcaktimin e masës së paraburgimit, për një tjetër ndalesë për largim nga vendbanimi, ndërsa dyshimet e prokurorisë janë se të gjithë ata kanë realizuar përfitim të pasurisë prej rreth 1.5. million euro.

 

“I dyshuari i parë dhe i dyshuari i dytë, kanë ndikuar në miratimin e analizave të rreme të përgatitura nga aksionari dominues në kompani dhe realizimin e investimit për blerje të pronës së paluajtshme – gjithsej 48 parcela kadastrale në Dellçevë, Gabren dhe Vetren, Berovë, prej të cilave 29 ishin në pronësinë e të dyshuarve tjerë. Të dyshuarit fillimisht i kanë fituar parcelat me marrëveshje formale për dhuratë, të cilat në thelb ishin marrëveshje shitblerjeje, sepse ishin paguar për transaksionin. Kështu, detyrimi për të paraqitur një ofertë me shkrim ose për shpallje publike për tokën është shmangur në mënyrë të paligjshme.”, thuhen në komunikatën e PTHP-së. 

 

 

I minjëherëshëm ishte reagimi i LSDM-së të cilët pyetën liderin e VMRO-DPMNE-së Hristijan Mickovski se cila është lidhëshmëria e tij me personat e dyshuar. 

 

“Bëhet fjalë për një afer e cila peshon 1.5 milion euro. Të gjitha informacionet që dolën në opinion para disa muajsh nga mediat flasin qartë për një veprim të organizuar kriminal, me mashtrim dhe përvetësim të parcelave në Dellçevë. Pothuajse të gjithë të dyshuarit në aferën “Parcelat kriminale” janë në lidhje me VMRO-DPMNE-në dhe Hristijan Mickoskin. Njëri prej të dyshuarve është truproja i Mickoskit, Vlatko Ilievski, i cili me kontratë të pabesueshme prej 500 mijë euro apo gjysmë milioni euro. Nga informacionet e publikuara në media rezulton se ai ka shitur parcela prej gati 40 mijë metrash katrorë në mënyrë tejet të dyshimtë. Por ai nuk i bleu por i mori si dhuratë.”, tha Darko Kaevski, deputet i LSDM-së .