Heqje e veto-s bullgare, Arsovski: Epilogu pozitiv, i vështirë

Gjasat për të pasur epilog pozitiv në samititn e Bashkimit Evropian nuk janë shpresëdhënëse, sepse palët akoma nuk kanë qëndrim dhe dokument të përbashkët, për ta paraqitur atë  në takimin e rregullt të Brukselit zyrtar,  thotë analisti politik, Petar Arsovski.  

Ai fajëson edhe bashkësinë ndërkombëtare në këtë rast,  sepse vlerëson se ishin vonë në  shtimin e diplomacisë shtrënguese ndaj Bullgarisë. Për këtë aryse, nuk  besohet në tërheqjen e veto-s ndaj shtetit tonë.

“Iniciativa e përforcuar diplomatike do ta rris presionin  ndaj Bullgarisë  por nuk jam i sigurt  se kjo do të rezulton me tërheqjen e veto-s në qershor, sepse, ky presion po vjen pak me vonesë . Sikur të kishte filluar më herët, ndoshta do të kishte fryt më serioz. Për momentin edhe situata politike në Bullgari është pak e komplikuar  dhe nuk dihet a do të mbijetojë qeveria e Petkovit . Sidoqoftë, është lajm i mirë për neve se presioni është i kthyer kah Sofja” – tha analisti politik, Petar Arsovski.

Vetëm edhe tri javë nga  Samiti i  këshillit të BE-së,  zyrtarët e Shkupit nuk japin qëndrim konkret për pritshmëritë e tyre. Ndërkohë, Sofja zyrtare duket se s'do të lëshojë pe për kërkesat ndaj vendit tonë, pas së cilës qëndron edhe konsensusi nacional bullgar. (Nermin Mulaki – Fejzullahu, TVM2)