Aksion donatorë për ndihmën e refugjatëve

Ukrainasit të cilët për shkak të luftës u shpërngulën nga vendet e tyre të banimit dhe gjetën sterhim në vendin tonë janë lënë në margjinat e mbijetesës.

Zëvendës avokati i popoullit Jovan Andonovski, thekson se ata nuk kanë të drejtë të punësohen, të kenë mbrojtje shëndetësore dhe fëmijët e tyre nuk mund të shkojnë në çerdhe as në shkollë.

Edhe pas tre muajve nga fillimi i konfliktit të armatosur, treqind refugjatë nga Ukraina jetojnë në prag të varfësirsë. Andonovski ftoi që shteti të tregojë humanitet.

“Mes dy shteteve nuk ekziston marrëveshje bilaterale për rregullimin e kësaj çështje. Nëse kanë nevoj pa marrë parasysh se a bëhet fjalë për fëmijë të mëdhenj apo të vegjël, për shërbime shëndetësore, ata duhet ta paguajnë shërbimin dhe një pjesë e madhe prej tyre nuk kanë mjete elementare për jetesë. Shteti duhet të tregojë humanitetin, pa marrë parasysh numrin e refugjatëve sepse kjo çështje nuk zgjidhet vetëm me marrëveshje bilaterale por me vendim të pushtetit ekzekutiv” – u shpreh Zv.Avokati i Popullit, Jovan Andonovski.

Refugjatët ukrainas nuk gëzojnë të drejtat

Refugjatët përballen çdo ditë me sfida të reja. Atyre u nevojitet përkrahje dhe për këtë qëllim një numër i madh i popullsisë donuan mjete financiare.

Nga shoqata e qytetarëve të Ukrainës shprehin falenderim për këtë gjest.

“Ju keni zemra të mëdha dhe kjo situatë e tanishme tregon se shokët  e vërtetë shihen  në ditë të vështira” – tha Zv.Ambasadori i Ukrainës në Shkup, Roma Buga.

“Kemi mundësi tu ndihmojmë njerëzve që çdo ditë janë të stresuar nga fatkeqësitë  e luftës. Lufta vijon ende dhe edhe më tej na duhet ndihma juaj, gjithkush që mundet të ndihmojë të drejtohet në deponë tonë në Gjorçe Petrov” – deklaroi Aleksander Urbanoviç nga Shoqata e ukrainasve në RMV.

Me fillimin e sezonit turistik një numër i madh i refugjatëve duhet ti lirojnë kapacitetet turistike,  ndërsa mundësitë janë të mëdha që të rritet numri i refugjatëve që do të mbërrinë në vend. (Flutura Latifi, TVM2)