Thaçi uron lidershipin e ri të Kongresit amerikan
Ministri i Punëve të Jashtme, Hashim Thaçi, ka komentuar të enjten zgjedhjen e lidershipit të ri në Kongresin amerikan....
Dhoma e Përfaqësuesve dhe Dhoma e Senatit në Kongresin amerikan tashmë kanë fituar llidership të ri pas zgjedhjeve të vitit të kaluar në Amerikë.
Uroj senatorin, Mitch McConnell, një mik i moçëm dhe i rëndësishëm i Kosovës, për pozitën e re të kryetarit të Senatit dhe Kongresmenin, John Boehner, për ripërtëritje të mandatit si kryetar i Dhomës së Përfaqësuesve. Çështja e Kosovës në Amerikë nuk ndahet në vija partiake.
Nga republikanët, si Bob Dole dhe George Bush, e deri tek demokratët, si Tom Lantos i ndjerë dhe Bill Clinton, Kosova ka gëzuar partneritet dhe miqësi të pazëvendësueshme me të gjitha nivelet qeverisëse amerikane, si dhe me popullin amerikan.
“Do të vazhdojmë të punojmë së bashku me kongresin e ri për agjendën e përbashkët të anëtarësimit të Kosovës në NATO dhe forcimit të lidhjeve bilaterale në mes Kosovës dhe SHBA-ve”- ka thënë Thaçi.