Oklahoma, katër të vrarë nga të shtënat në një spital

Katër persona janë vrarë në të shtënat në një spital në Tusla, Oklahoma, tha policia amerikane.

Zyrtarët konfirmuan se sulmuesi i dyshuar, që kishte qenë i armatosur me një pistoletë dhe një pushkë, po ashtu ka vdekur. Po ashtu, disa persona janë plagosur nga të shtënat.

Policia tha se sulmuesi, i cili ende nuk është identifikuar, besohet se ka bërë vetëvrasje.

Ende nuk ka informacione për motivin e mundshëm të këtij sulmi. Autoritetet thanë se po intervistojnë dëshmitarët që gjendeshin brenda spitalit, përfshirë edhe ata në katin e dytë, ku ndodhi sulmi. Ata thanë se ishte një skenë “katastrofike”.