LSDM: Pozicionet shtetërore në raport me Bullgarinë janë minuar nga Mickoski

Nga LSDM thonë se pozicionet shtetërore të Maqedonisë së Veriut në raport me Bullgarinë u minuan nga Hristijan Mickoski. Në Kongresin e Partisë Popullore Evropiane, ku mori pjesë edhe Hristijan Mickoski, u miratua një rezolutë, e cila pjesërisht mbështet qëndrimin e Bullgarisë.

“Edhe pse thirrja për fillimin e negociatave në Rezolutë është pretendimi se ne nuk kemi filluar negociatat me BE-në sepse ‘nuk janë arritur rezultate të prekshme në drejtim të zbatimit të marrëveshjeve dypalëshe me Bullgarinë’. Mickoski, i cili mori pjesë në Kongresin në të cilin u miratua ky dokument, nuk reagoi fare për këtë pjesë të Rezolutës me qëndrimet e Bullgarisë. Nëse nuk ka reaguar, atëherë është dakord me atë që është shkruar. Pyetja është nëse Mickoski ka votuar për Rezolutën e PPE me qëndrimet e Bullgarisë?” – tha Deputeti i LSDM-së, Darko Kaevski.

VMRO-DPMNE: LSDM në pafuqi spinon dokumente të PPE, për të fshehur dështimet e saj diplomatike

Por nga VMRO-DPMNE kundërpërgjigjen se LSDM-ja në pafuqi dhe dëshpërim po përpiqet të spinojë dokumentet e PPE-së, për të mbuluar dështimet e diplomacisë së tyre për të cilat integrimi evropian i Maqedonisë është në qorrsokak.

“Qëndrimi i VMRO-DPMNE-së u shpreh qartë në Kongresin e PPE-së, se Maqedonia meriton fillimin e menjëhershëm të negociatave dhe se çështjet identitare nuk duhet të preken. LSDM, për shkak të shkurtpamësisë dhe ambicies së dhimbshme të krerëve të saj, i kënaqi ata që mohojnë identitetin maqedonas. Në vend të vlerave evropiane dhe demokratike, LSDM-ja i futi në kornizë kontraktuale çështjet historike dhe identitare, të cilat tashmë janë gur në qafën e shtetit. VMRO-DPMNE, por edhe qytetarët e Maqedonisë, qartë kundërshtojnë dhe do të kundërshtojnë çdo gjë të tillë anakronike, jodemokratike dhe joevropiane që të jetë kusht për integrimin e Maqedonisë në BE”,  thuhet në komunikatën e VMRO-DPMNE –së. (Fitim Kryeziu, TVM2)